Кукмара районында чит ил машинасы туктап торган автомобильгә бәрелә һәм газ торбасына зыян китерә

Кукмара районында чит ил машинасы туктап торган автомобильгә бәрелә һәм газ торбасына зыян китерә. Бу хакта Кукмара районының 117нче янгын сүндерү һәм коткару бүлегендә хәбәр иттеләр.

Авария бүген 3.14 сәгатьтә Түбән Шәмәрдән авылының Совет урамында  була.

Башлангыч версия буенча, «Шевроле» автомобилен йөртүче, идарәне югалтып, газ торбасына һәм  туктап торган «ИЖ 27175» автомобиленә бәрелә. Юл-транспорт һәлакәте нәтиҗәсендә газ чыгуы күзәтелә.

Авариядә «Шевроле» шоферы зыян күрә, аны ашыгыч ярдәм машинасы белән Кукмара районы үзәк дәваханәсенә китерәләр.

Бу хәлнең килеп чыгу шартлары ачыклана.

Фото: 117нче янгын сүндерү һәм коткару бүлеге