Кукмара районы трассасында җиңел машина юл читенә төшеп киткән, зыян күрүчеләр дә бар

Кукмара районы трассасында җиңел машина юл читенә төшеп киткән. Бу хакта район ЮХИДИ бүлеге хәбәр итә.

Авария 12 июньдә 8.40 сәгатьтә «Кукмара-Шәмәрдән» автомобиль юлының 11 чакрым+ 800 метрында Нормабаш авылы янында була. Җиңел машина белән 37 яшьлек хатын-кыз идарә итә. Ул идарәне югалта һәм юл читенә төшеп китә.

Юл һәлакәте нәтиҗәсендә ике пассажир Кукмара үзәк дәваханәсенә озатыла.

Фото: район ЮХИДИ бүлеге