Автомобиль йөртүче Кукмара кызлары көч сынашты

Кукмарада автомобиль йөртүче хатын-кызлар арасында “Автоледи-2019” конкурсының район этабы узды. Ул техник тикшерү узу, юл хәрәкәте кагыйдәләрен белү һәм фигуралы йөртү буенча белемнәрне тикшерү буенча өч этапта үткәрелде.

Конкурста 1 урын Ләйсән Нәҗметдиновага бирелде. Аңа 15 августта республика конкурсында район данын якларга туры киләчәк. 2 урынны - Гөлнар Әшрәпова, 3 урынны Луиза Галимҗанова алды.

“Юл хәрәкәте кагыйдәләрен белү” номинациясендә - Зөлфия Нигъмәтуллина, ә “Автомобильне фигуралы йөртү” номинациясендә Гөлназ Нәҗипова җиңү яулады.

Җиңүчеләргә истәлекле бүләкләр тапшырылды.

фото: район ЮХИДИ идарәсе