Бәйгесе булды, бүләге булмады

Ятмас-Дусай авылында Гәрәй батыр призына балалар арасында көрәш ярышлары үткәрелде. Ярышлар барышында төрле травма – имгәнүләр алучылар да булды. Әмма аларга беренче ярдәм күрсәтергә бер медицина хезмәткәре дә билгеләнмәгән иде. Көрәш - куркыныч спорт төре бит, мондый чараларда медицина хезмәткәрләре катнашырга тиештер дип уйлыйм.

Әлеге ярышлар буенча тагын бер фикеремне җиткерәсем килә. Балалар ярышка күпме әзерләнгәннәр, бар күңелләрен биреп көрәштеләр. Ә аларга моның өчен бер кәгазь белән медаль бирделәр. Балаларны спортка тарту, үсендерү өчен әз генә булса да бүләк әзерләрлек тә мөмкинлек юк микәнни соң? Белгән булсам, балаларны нәүмиз итеп калдырганчы, пенсия акчамнан аз булса да бүләкләр ала идем. 

Көрәш караучы бабай