Олыяз авылы егете Нәфис Галиев Литвада узган билбау көрәше буенча Дөнья чемпионатыннан җиңү белән кайтты. Мәһабәт гәүдәле, физик яктан нык, Муса Җәлилнең шигъри юллары белән әйтсәк, киң күкрәкле, тимер бәдәнле райондашыбызга сокланып карап кына торырлык. Танылган спортчы бик кызыклы әңгәмәдәшче дә булып чыкты. Күптәнге танышлар шикелле рәхәтләнеп гәпләштек үзе белән.
