Спорт яңалыклары

«Атлант» яшүсмерләр клубында шөгыльләнүче Ясинә Гайфетдинова киокусинкай каратэ буенча Краснокамск шәһәрендә үткәрелгән беренчелектә, шулай ук Кама Аланында бөтенроссия ярышларында катнашып, икенче урын яулады.

Казанның “Ак Барс” көрәш сараенда Татарстан Авыл хуҗалыгы һәм азык-төлек министрлыгы призларына көрәш ярышы узды. Бәйгедә республиканың 45 командасыннан 300дән артык көрәшче катнашты. Бәйге нәтиҗәләре буенча Кукмара районы командасы өченче урынны яулады. 70 килограммлы үлчәү авырлыгында Илфат Тимергалиев - икенче, 90 килограммлы үлчәү авырлыгында Нәфис Галиев өченче урыннарны яулады, 130 килограммлы үлчәү авырлыгында Зөлфәт Гарифуллин икенче урынга чыкты.