Кукмараның яшь спортчылары Базарлы Матактан җиңү белән кайтты

Базарлы Матакта киокусинкай каратэ буенча Татарстан Республикасы Кубогына ярышлар узды. Бу турыда Кукмара районының өстәмә белем бирү педагогы Айдар Борһанов хәбәр итте. 

«Бәйгедә 300дән артык яшь спортчы катнашты. Районның “Атлант” яшүсмерләр клубында шөгыльләнүче Данис Корбанов, Данис Фатыйхов, Рөстәм Шәриповлар – икенче, Данияр Әхмәтов, Илзия Ибәтуллина, Наил Габидуллин, Илмир Гыйләҗевлар өченче урыннарны алдылар», - диде ул. 

Балаларны ярышка Кукмара районының өстәмә белем бирү педагогы Айдар Борһанов әзерләде.