Хезмәт даны
  • Рус Тат
  • Зур Кукмарадан Мөхәммәтовлар гаиләсе "Районның мактаулы юбилярлары" китабына кертелде

    Бергә гомер итүләренең 50 еллык юбилее уңаеннан ирле-хатынлы Мөхәммәтовларның исемнәре "Районның мактаулы юбилярлары" китабына кертелде һәм алар анда үзләренең имзаларын куйдылар.

    Бүген районның никахлашу сараенда "алтын" юбилярларны – Мөхәммәтовлар гаиләсен хөрмәтләү тантанасы узды.

     

    Зур Кукмарадан Гөлдания һәм Рәшит Мөхәммәтовлар 50 ел бергә гомер кичерәләр. Юбилей уңаеннан ирле-хатынлы Мөхәммәтовларның исемнәре "Районның мактаулы юбилярлары" китабына кертелде, алар анда үз имзаларын куйдылар. Бу мизгелләр бик дулкынландыргыч булды. Чөнки күп еллар элек тә бу көнне яшь парлар балдаклар алмашкан булганнар.

     

    ЗАГС бүлеге хезмәткәрләре юбилярларга нык сәламәтлек, иминлек, тынычлык, озын гомер теләде һәм район Башлыгының Рәхмәт хатын тапшырды.

    Мөхәммәтовлар өч бала тәрбияләп үстергәннәр һәм бүгенге көндә алты оныклары бар.

    "Иң мөһиме - бер-береңне хөрмәт итү һәм кадерләү. Гаилә бәхетенең бөтен сере шунда", - диләр алар.

    фото: Алсу Гатауллина/ "Хезмәт даны"

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: