Тәүлек эчендә Татарстанда коронавирус йоктыруның 35 яңа очрагы ачыкланган

Татарстанда соңгы тәүлек эчендә Covid-19 белән зарарлануның 35 яңа очрагы ачыкланган. Бу хакта коронавирус буенча оператив штаб хәбәр итә, дип яза «Татар-информ».

16 кеше хастаханәгә урнаштырылган, 19ы өйдә дәвалана. Барлык очраклар да элемтә нәтиҗәсендә.

Казанда – 15, Чаллыда – 1, Нурлат районында – 9, Лаеш районында – 4, Яшел Үзән районында – 3, Югары Ослан, Биектау, Чистай районнарында коронавирус белән зарарлануның 1 очрагы ачыкланган.

Татарстанда бөтен вакыт эчендә 4858 Covid-19 очрагы теркәлгән, 3705 кеше сәламәтләнгән.

Фото: «Татар-информ»

«Кукмор Татарстан» Telegram-каналга язылыгыз