Татарстанда коронавирус белән авыруның 38 яңа очрагы расланган

Татарстанда соңгы тәүлек эчендә Covid-19 белән зарарлануның 38 яңа очрагы ачыкланган. Бу хакта коронавирус буенча оператив штаб хәбәр итә, ди «Татар-информ». 

13 кеше дәваханәгә урнаштырылган, 25 кеше өйләрендә дәвалана. Барлык очраклар да авырулар белән якыннан аралашканнан соң эләктерелгән.

Казанда – 21, Чаллыда һәм Нурлат районында – дүртәр, Биектау, Яшел Үзән, Лаеш районнарында - икешәр, Арча, Кама Тамагы, Чистай районнарында коронавирус белән зарарлануның берәр очрагы ачыкланган.

Татарстанда бу вакыт эчендә 4711 кешедә Covid-19 теркәлгән, 3547 кеше терелгән. 

Фото: «Татар-информ»