Татарстан Президенты Илкүләм проектлар советы президиумы составына керде

Татарстан Президенты Рөстәм Миңнеханов хәзер Рофссия Федерациясе Президенты каршындагы Стратегик үсеш һәм илкүләм проектлар советы президиумы составында.

Бу хакта Россия Президенты Владимир Путинның указында әйтелә. Аның нигезендә совет һәм президиум составына үзгәрешләр кертелгән. Документ Хокукый мәгълүмат интернет-порталында дөнья күргән.

«Россия Федерациясе Президенты каршындагы Стратегик үсеш һәм илкүләм проектлар советы составын һәм Россия Федерациясе Президенты каршындагы Стратегик үсеш һәм илкүләм проектлар советы президиумы составын расларга», - диелә указда.

Россия Премьер-министры Михаил Мишустин — совет президиумы рәисе, беренче вице-премьер Андрей Белоусов һәм РФ Президенты ярдәмчесе Максим Орешкин аның урынбасарлары итеп билгеләнде.

Россиядә илкүләм проектлар Россия Президенты Владимир Путинның 2018 елның 7 маендагы указы нигезендә 2019 ел башыннан гамәлгә ашырыла.

фото: tatarstan.ru