Татарстан эксперты якындагы атнада салкын буласын әйтте

Татарстанда якындагы атна салкын, әмма карсыз һава торышы булачак. Бу турыда университет профессоры Юрий Переведенцевка сылтама белән Казан федераль университеты матбугат хезмәте хәбәр итә.

«Якындагы атна антициклон йогынтысында һәм салкын булачак. Карсыз салкыннар авыл хуҗалыгына начар тәэсир итә», — дип сөйләде белгеч.

Переведенцев республикага кыш 10 көнгә соңарып киләчәк, диде.

Шулай итеп, 10 ноябрьдән башлап төнлә салкын һәм якындагы атнада температура климат нормасыннан 4-5 градуска түбәнрәк булачак.

10 -15 ноябрьдә көндез температура -4 градуска кадәр төшәчәк, ә төнлә -8 градус булачак.

Татар-информ

фото: Эльвира Миннәхмәтова, "Хезмәт даны"