Ташлы Елга авылында иң өлкән, тигезлек белән гомер итүче гаилә яши

Ташлы Елга клуб мөдире авылның иң өлкән, тигезлек белән гомер итүче Фәрхуллиннар гаиләсендә кунакта булды. Нургали абый белән Гамбәрия апа быел 62нче язларын пар күгәрченнәр кебек гөрләшеп каршылыйлар. Алар - авылда бердәнбер тигез, озын гомерле, бер-берсен күз карашыннан ук аңлап, тормыш юлыннан дөрес итеп атлап баручы парлар. Бәхетле картлыкта гөрләп, сөенеп, һәр аткан таңга шөкер итеп, рәхәтләнеп балалар, оныклар, оныкчыклар тәрбиясендә яшиләр.