Район Мәдәният йортында урнашкан сайлау участогында сайлаучыларны җыр-бию белән каршы алдылар

Ә сәгать унда биредә район үзешчәннәре көче белән әзерләнгән концерт башланып китте. Йөрәкләрне җилкетердәй дәртле, матур көйләр, сайлаучыларның кәефен тагын да күтәреп, бәйрәм төсе бирде. Халык та бик актив, диделәр биредә.
- Сайлаулар тыныч уза. Безнең участокта барлыгы 1485 сайлаучы теркәлгән. Бүген аеруча өлкәннәр актив, алар бу эшнең ни кадәр җаваплы булуын аңлый, - диде әлеге сайлау участогы рәисе Гөлнара Бәдыгиева.
Концерт караучыларның да хәлләрен белештек.
- Тавыш биреп чыктык та, менә хәзер концерт карыйбыз. Күңелле монда, бәйрәм кебек. Халык күңелен күреп, матур чара оештыручыларга рәхмәт, - диде сайлауга килгән Рауза апа.
Ризилә КОРБАНОВА/ “Хезмәт даны”