Район башлыгы Сергей Димитриев июнь аенда юбилейларын билгеләп үтүче ветераннарны бәйрәмнәре белән котлады

Июнь аенда Өлге авылында яшәүче Хәтирә Салихова үзенең 100 яшьлеген каршы ала, Олыяздан Гөлсирә Гыйльметдинова, Починок-Кучуктан Анастасия Исламова, Әсән-Елгадан Фәймә Минебаева, Балыклыдан Шамил Сәлахов, Шепшеңәрдән Габделәхәт Әхмәтвәлиев, Тырыштан Нәкыйп Харрасов, Кәчимирдән Раушания Мөхәмәтҗанова, Нырты совхозыннан Евдокия Зайцева, Аш-Буҗидан Фәләхетдин Хәмәтдиновлар 90 яшьлек юбилейларын билгеләп үтә.

Район башлыгы Сергей Димитриев ветераннарны олуг юбилейлары белән ихластан котлый, аларга күңел тынычлыгы, сәламәтлек, балалары, оныклары һәм якыннарының хөрмәтен тоеп яшәүләрен тели.