Кукмарага кергәндә «Татарстан Республикасы алдындагы казанышлар өчен» орденының күчермәсе урнаштырылды

Кукмарага кергәндә «Татарстан Республикасы алдындагы казанышлар өчен» орденының күчермәсе урнаштырылды. Бу турыда үзенең Инстаграм битендә Кукмара районы башлыгы Сергей Димитриев язды.

«Әлеге зур бүләкне районның терлекчелек өлкәсендә рекордлы күрсәткечләргә ирешкәне һәм республиканың социаль-икътисадый үсешенә саллы өлеш керткәне өчен Татарстан Президенты тапшырды», - дип билгеләп уза Сергей Димитриев.

Посмотреть эту публикацию в Instagram

Публикация от Сергей Димитриев (@sergeidimitriev)

Исегезгә төшерәбез: өченче чакырылыш Кукмара муниципаль район Советының 44нче утырышында республика Президенты Рөстәм Миңнеханов сөт саву буенча рекордлы күрсәткечләр өчен (тәүлеккә 300 тонна) районга «Татарстан Республикасы алдындагы казанышлар өчен» орденын тапшырды. Бу – республика тарихында муниципаль районнарга бирелүче беренче орден.

фото: https://www.instagram.com/sergeidimitriev/