Хатын-кызны ашыгыч ярдәм бүлеге хезмәткәрләренә тапшырганнар.
Кукмарада өлкән яшьтәге ханымга ярдәм итү өчен, коткаручыларга фатир балконының ишеген ватарга туры килгән. Бу хакта Кукмара районының 117нче янгын сүндерү-коткару часте хәбәр итә.
10 ноябрь көнне 15.29 сәгатьтә 112нче ашыгыч хезмәтенең бердәм чакыру номерына Нур Баян урамындагы күпфатирлы йортларның берсендә яшәүче өлкән яшьтәге хатын-кызга ярдәм кирәк булуы турында хәбәр килеп ирешә.
Районның 117нче янгын сүндерү-коткару часте коткаручылары, баскыч ярдәмендә өченче катка менеп, инструментлар белән балкон ишекләрен ачып фатирга керәләр һәм хатын-кызны ашыгыч ярдәм бүлеге хезмәткәрләренә тапшыралар.
фото: Кукмара районының 117нче янгын сүндерү-коткару часте
«Кукмор Татарстан» МАКС каналына язылыгыз
Нет комментариев