Кукмарада Кыш бабай һәм Кар кызы «кызыл зона»да эшләүче медицина хезмәткәрләрен котладылар

Кукмара районы Мәдәният йортының иҗат коллективы «кызыл зона»да эшләүче хезмәткәрләргә гадәти булмаган сюрприз әзерләде. #СпасибоВрачам акциясе кысаларында алар Кукмара районы үзәк дәваханәсенең йогышлы авырулар бүлегендә булдылар.

Бүгенге көндә медицина хезмәткәрләре, үзләренең сәламәтлекләре һәм гомерләре бәрабәренә, яңа вирус инфекциясе белән көрәшәләр. Әлеге катлаулы чорда алар аеруча яклауга мохтаҗ.

Кыш бабай белән Кар кызы барлык медицина хезмәткәрләренә сәламәтлек, сабырлык теләделәр һәм «#СпасибоВрачам» дигән язулы торт тапшырдылар.

Акция бергәләшеп Яңа ел җырларын башкару белән төгәлләнде.

фото: Кукмара районы Мәдәният йорты