Кукмарада балалар өчен рәсем ясау конкурсы үткәрелде

“Шәфкать” тернәкләндерү үзәгенең социаль педагогы асфальтта “Бәхетле балачак” дигән рәсем конкурсы үткәрде.

Тернәкләндерү курсын үтүче балалар төрле төстәге акбурлар ярдәмендә дөньяны сурәтли, үзләренең иҗади сәләтләрен, фантазиясен һәм талантын күрсәтә алдылар.

Конкурста катнашучылар әлеге иҗади эштән бик күп хис-кичерешләр алдылар һәм истәлеккә сувенирлар белән бүләкләнделәр. Ата-аналар үз балаларының казанышлары белән куандылар.