Кукмара районында авыл халкы янгынны сүндергән

Кукмара районында авыл халкы янгынны сүндергән. Бу турыда Кукмара районының 117нче янгын-коткару частендә хәбәр иттеләр.

4 июньдә, сәгать 15.41дә районның 117нче янгын-коткару частенә Зур Кукмара авылының Норма урамындагы хуҗалыкларның берсендә каралты яну турында хәбәр алына.

Янгын подразделениесе хезмәткәрләре килгәндә янгын авыл халкы тырышлыгы белән сүндерелгән була. Аларны йорт хуҗалары каршы ала, эчтә беркем дә булмавын, янгынның сүндерелүен хәбәр итә.

Янгын нәтиҗәсендә 0.5 квадрат метр мәйданда урам бәдрәфе янып бетә.

фото: Кукмара районының 117нче янгын-коткару часте