Кукмара районыннан Марат Рәхимҗанов илебез тынычлыгы өчен көрәште
«Марат Рафаэль улы илебезнең, районның патриоты булып күңелләргә кереп калачак», — диде район башлыгы.
Махсус хәрби операция зонасында хәрби бурыч үтәгәндә гомере өзелгән якташыбыз, мотоукчылар бүлекчәсе атучысы, сержант Рәхимҗанов Марат Рафаэль улын районыбызның Ядегәр авылында соңгы юлга озаттылар.
Чит җирләрдә башын салган райондашыбыз белән саубуллашырга район җитәкчелеге, иҗтимагый оешма вәкилләре, мәрхүмнең якыннары, дуслары, авылдашлары җыелган иде.
Матәм митингында район башлыгы Сергей Димитриев, вакытлыча район хәрби комиссары вазыйфасын башкаручы Васил Халәветдинов, районның офицерлар Союзы рәисе, хәрби көчләр ветераны Илфат Гайнанов һәм башкалар чыгыш ясады, хәрбинең гаиләсе һәм якыннарының авыр кайгыларын уртаклашты.
Чыгышлардан соң хәрби бер минут тынлык белән искә алынды.
фото: Алсу Сәләхетдинова/ «Кукмор-информ»
Следите за самым важным и интересным в Telegram-каналеТатмедиа
«Кукмор Татарстан» Telegram-каналга язылыгыз
Галерея
Оставляйте реакции
Нет комментариев