Янгын Байлангар авылында була.
5 июльдә, сәгать 18.29да районның 117нче янгын сүндерү-коткару бүлегенә Кукмара районының Байлангар авылы, Заһидуллин урамындагы хуҗалыкларның берсендә янгын чыгу турында хәбәр алына. Бу хакта районының 117нче янгын сүндерү-коткару частеннән хәбәр иттеләр.
Янгын сүндерүчеләрне күршеләре каршы ала, каралтыда беркем булмавын, үзләренең ул урыннан чыгуларын хәбәр итә.
Урында ачыкланганча, каралты-кура тулы мәйданда яна, мунчаның чардак өлешеннән көчле төтен чыга, ялкын телләренең күрше корылмаларга да күчү куркынычы була.
Янгын нәтиҗәсендә каралты кара күмергә әйләнә, мунча түбәсенең обрешеткасы яна. Кешеләр зыян күрми.
фото: районының 117нче янгын сүндерү-коткару часте
Нет комментариев