Хезмәт даны
  • Рус Тат
  • Кукмара полиция хезмәткәрләре криптовалюта белән бәйле мошенниклыкта шикләнелүчене тоткарлаган

    Кукмара полициясенең дежур частена кукмаралы мөрәҗәгать иткән: аңа карата криптовалюта сату-алу буенча мошенниклык кылынган.

    Ачыкланганча, зыян күрүче бер социаль челтәрдә криптовалюта белән сату итүчене тапкан. Җинаятьче, электрон акчаларны базарныкына караганда түбәнрәк бәядән сатам дип, зыян күрүчене ышандырган. Бу хакта ТР буенча Эчке эшләр министрлыгының матбугат хезмәте хәбәр итә.
    Сатып алучы, мондый шартларны кабул итеп, 30 мең сумга якын акчаны җинаятьчегә күчергән. Әмма криптовалюта сатып алучы хисабына билгеле бер вакыт эчендә килмәгән.
    Оператив-эзләү чараларын үткәрү барышында хезмәткәрләр Санкт-Петербургта яшәүче 25 яшьлек ирне ачыклаган һәм тоткарлаган. Шикләнелүче үз гаебен таныган.
    Россия Федерациясе Җинаятьләр Кодексының 158нче маддәсенең 3нче өлешендә (“Караклык”) каралган җинаять составы билгеләре буенча җинаять эше кузгатылган.

    Реклама

    фото: ИА "Татар-информ"

    «Кукмор Татарстан» Telegram-каналга язылыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: