Кукмара мәктәбе укучысы республика проектлар мәктәбендә катанашты

Кукмара 4нче урта мәктәп укучысы Раил Фәләхов “Төбәкләр өчен киләчәк кадрлар” стратегик инициативалар агентлыгы инициативасының сайлап алу этабында җиңүче булды. Раил федераль инициативаны тормышка ашыруның икенче этабына – Казандагы “Дуслык” лагерена чакыру алды. Анда республика проектлар мәктәбе старт алды. Әлеге мәктәптә Казан, Яр Чаллы, Нурлат, Бөгелмә, Әлмәт һәм башка шәһәрләрдән 14-17 яшьтәге 100дән артык укучы катнашты. Өч көн эчендә алар проект эшчәнлеге күнекмәләрен үзләштереп, үз проектлары өстендә эш башладылар.

фото: Эльмира Мифтахова