Кәркәүчтә “Сөмбелә” бәйрәме узды

Кәркәүч мәдәният йортында көзгә багышланган “Сөмбелә” бәйрәме уздырылды. Элек сентябрьгә туры килүче ай “Сөмбелә” дип йөртелгән. Әби-бабаларыбыз аны уңыш җыеп алу вакыты гына түгел, ә шул айның иясе һәм уңыш-уңдырышлылык алиһәсе итеп тә күз алдына китергәннәр, һәм ул алтын-сары толымлы, сөмбел чәчле кыз кыяфәтендә күзалланган. Һәр Сөмбелә бәйрәмендә яңа уңыштан төрле камыр ашлары әзерләнгән, йола ризыгы һәм муллык билгесе булган бавырсак пешерелгән. Авыл халкы бер матур кызны Сөмбелә итеп киендергән, биегән, жырлаган, күңел ачкан. Бездә дә бу чара бик күңелле билгеләп үтелде.