Коррупциягә каршы көрәш комиссиясенең утырышы үткәрелде

Коррупциягә каршы көрәш буенча район комиссиясенең киңәйтелгән утырышы үткәрелде. Анда муниципаль хезмәткә урнашканда һәм эшләү чорында закон тарафыннан чикләүләрне саклау, район үзәк дәваханәсендә хезмәт күрсәтү системасын камилләштерү, “Хезмәт даны” газетасының коррупциягә каршы пропаганда юнәлешендәге эшчәнлеге, район Мәдәният йортында контроль-счет палатасы тикшерүләре нәтиҗәсендә ачыкланган кимчелекләрне төзәтү, төрле максатчан группалар арасында үткәрелгән социологик сораштыру нәтиҗәләре, Татарстан прокуратурасы тарафыннан җирле үзидарә органнары эшчәнлегендә ачыкланган закон бозулар турында мәсьәләләр каралды.

фото: kukmor.tatarstan.ru