Җиләк җыючы кукмаралыларны еланнар куркыта

Соңгы вакытта табигатьтә еланнар бик ишәеп китте. Бу турыда интернетта да язалар. Алар авыллар янына киләләр, кешеләрнең абзар-кураларына, базларына керәләр. Кешеләргә зыян салган очраклары да ишетелә. Еланнарны безнең якларда да күрүчеләр бар. Менә җиләк вакыты да җитте, шуңа күрә үзебез, балалар өчен куркып торабыз. Билгеле, елан чакса, табибка йөгерәбез, ә безнең район үзәк дәваханәсендә аңа каршы дару бар микән? Шуңа җавап ишетәсе килә иде.
Исемем редакция өчен генә