Фото: Зур Сәрдек мәктәбенә багышланган китап дөнья күрде

Зур Сәрдек мәктәбенең 100 еллык тарихына багышланган "Кыңгыраулы мәктәп еллары" китабы дөнья күрде. Бу - мәктәбебез тарихында беренче китап. Бай мирасыбызны сыйдырган саллы басма - аны дөньяга чыгару өчен зур тырышлык куйган Гөлсинә Зыятдинова, Фидаиль Мостафиннарның, укытучылар коллективының, истәлекләрен язып калдырган язма авторларының тырыш хезмәтләре нәтиҗәсе. Китапны бастырып чыгаруда олы ярдәм күрсәткән мәктәпнең төрле еллардагы чыгарылыш укучылары, милләтебезнең күренекле шәхесләре - бәйрәмнең затлы кунаклары булдылар. Китапны кулына алган һәр укучы рәхәтләнеп мәктәп елларына, яшьлегенә, еракта калган матур хатирәләргә сәяхәт итә, бик күп тарихи мәгълүмат ала, дип хәбәр итте Рәмзия Хөсәенова.