Фото: Олыязда “Чүлмәктәге чәчкәләр” исемле эшләнмә ясаганнар

Олыяз авылы китапханәсендә эшләп килүче “Оста куллар” түгәрәгенә йөрүче балалар белән “Чүлмәктәге чәчкәләр” исемле эшләнмә ясадык. Балалар белән беренче шар, җеп һәм клей –ПВА белән кокон ясадык һәм киптерергә куйдык. Кокон кипкән вакытта гофрированный кәгазьдән чәчәкләр ясадык. Кокон яхшылап кипкәннән соң, эчендәге шарын алып, коконга чәчәкләр ябыштырдык. Балалар зур кызыксыну белән эшләделәр һәм бик матур чүлмәк килеп чыкты, дип хәбәр итте китапханәче Сөмбелә Камалиева.