Фото: Адай авылында әниләргә багышланган бәйрәм булды

Шушы көннәрдә Адай авылы клубында яраткан әниләребезгә багышланган "Әнкәйләрнең бөеклеген яши-яши аңлыйбыз" дигән бик матур бәйрәм булды. Кичәгә биш-алты бала тәрбияләп-үстергән хөрмәтле әниләр чакырылган иде. Алар үзләре кичкән катлаулы тормыш юлларының кечкенә генә бер өлешен сөйләп, тамашачыларның нечкә күңелләренә тиеп, күзләрне яшьләндерделәр. Өлкәннәр шулай ук яшьләргә матур теләкләрен җиткереп, киңәшләрен бирделәр. Бәйрәм бик күңелле узды. Без авылыбызның шундый һәйкәл куярлык әнкәйләреннән үрнәк алып яшибез, дип хәбәр итте Адай авылы клубы мөдире Фәния Хәбибуллина.