Чарлы, Тат-Тулба һәм Чуллы авыл китапханәләрендә «Зур гаилә яллары» кысаларында күңелле мәдәни чаралар узды

Чарлы авыл китапханәсендә «Гаилә белән китапханәгә»

Чарлы авыл китапханәсендә «Гаилә белән китапханәгә» исемле күңел ачу чарасы оештырылды. Гаиләләр кызыклы бәйгеләрдә һәм уеннарда катнашып, табышмаклар чишүдә һәм викторина сорауларына җавап бирүдә активлык күрсәттеләр. Китапханәче яңа кайткан китаплар белән таныштырып, чараны тагын да кызыклы итте.

Әдәби-музыкаль программа «Ананың мәхәббәте белән дөнья матур»

Тат-Тулба авылы китапханәсендә «Ананың мәхәббәте белән дөнья матур» исемле әдәби-музыкаль программа уздырылды. Балалар һәм аналар бергәләп күңелле вакыт уздырып, ананың мәхәббәте турында сөйләштеләр. Чараның иң матур мизгелләре булып, балаларның аналарга багышлап башкарган җырлары һәм шигырьләре торды, бу аналарда горурлык хисе уятты.

Чуллы авыл китапханәсендә «Могҗизалар кыры»

Чуллы авыл китапханәсендә «Могҗизалар кыры» исемле уен чарасы үткәрелде, ул катнашучылар арасында зур кызыксыну уятты. Балалар һәм өлкәннәр бергәләп актив катнашып, үз белемнәрен һәм иҗади сәләтләрен күрсәттеләр. Чара ахырында җиңүчеләргә бүләкләр тапшырылды, бу барлык катнашучыларның кәефен күтәрде.

Гаилә елы кысаларында, китапханәләрнең шундый чаралар оештыруы, гаиләләрнең бердәмлеген ныгыту һәм балаларга китап укуның әһәмиятен аңлату өчен зур әһәмияткә ия. Китапханәләр, гаиләләрне берләштереп, мәдәни һәм рухи кыйммәтләрне саклауда һәм үстерүдә актив катнаша, бу исә җәмгыятьнең киләчәге өчен менә дигән чара.

Рәхимова Фәния үзәк китапханәләр системасы библиографы