Байлангарда кечкенәләр арасында “Татар кызы-2019” бәйгесе узды

Балаларга кечкенәдән милли тәрбия бирү максатыннан Байлангар балалар бакчасында беренче тапкыр “Татар кызы-2019” бәйгесенең сайлап алу туры үткәрелде. Бәйгедә катнашучы кызлар бик матур итеп чыгыш ясадылар, һәр яктан талантлы, зирәк булулары белән сокландырдылар. Аларга киемнәрен милли орнаментлар белән бизәргә, үзләренең иҗади һәм тапкыр булуларын күрсәтергә кирәк иде. Шулай ук кызлар әниләре белән өйләрендә пешереп алып килгән милли ризыкларын, кул эшләрен шигырьләр, матур сүзләр белән якладылар. Төрле номинацияләрдә җиңү яулаган кызлар арасыннан ярымфиналга 6 яшьлек Дилия Харисованы чыкты.