13 кеше COVID-19 диагнозы белән хастаханәгә салынган

Татарстанда бүгенге көнгә кадәр барлыгы Covid-19ның 5501 очрагы расланган. Бу хакта коронавирус буенча оператив штаб хәбәр итә, дип яза «Татар-информ».
Республикада Covid-19 белән зарарлануның 33 яңа очрагы теркәлгән. Инфекция йоктырган 13 кеше хастаханәгә озатылган, калган 19 кеше өендә дәвалана. Барысы да элемтә нәтиҗәсендә авыручылар.
Авыручыларның күбесе Казан шәһәрендә – 18, Яр Чаллыда - 3, Әлмәттә – 2, Әлки, Югары Ослан, Зәй, Менделеевск, Мөслим, Түбән Кама, Саба, Сарман, Ютазы районнарында - берәр очрак.
18-30 яшь арасында – 5, 30-50 арасында – 8, 50-60, 60-70 арасында -5әр, 70-80 арасында - 8, 80-90 арасында 1 кешедә табиблар COVID-19 тапкан.
Татарстанда бүгенге көнгә кадәр барлыгы Covid-19ның 5501 очрагы расланган.

Фото ИА «Татар-информ»