Хезмәт даны
  • Рус Тат
  • Чупакабра һәм батыр кәҗә (шигърият)

    Кәҗә кайткан, үзе баткан тигәнәккә. Имчәге буш, сөтен саткан ди кирәккә. Әби көткән, чиләк тоткан, зур бүрәнкә, Кәҗә сөте кирәк икән шул бүләккә. Кәҗә сөмсез, сөзгәк, сөтсез. "Бүләклеккә Сөт бирмәсә", - диде бабай,- китәр иткә Сизгер кәҗә, зур бер әрҗә, ашап бодай, Кереп ятты, ташламастыр, диеп Һодай. Бабай йоклый, гырлый-...

    Кәҗә кайткан, үзе баткан тигәнәккә.

    Имчәге буш, сөтен саткан ди кирәккә.

    Әби көткән, чиләк тоткан, зур бүрәнкә,

    Кәҗә сөте кирәк икән шул бүләккә.

    Кәҗә сөмсез, сөзгәк, сөтсез. "Бүләклеккә

    Сөт бирмәсә", - диде бабай,- китәр иткә

    Сизгер кәҗә, зур бер әрҗә, ашап бодай,

    Кереп ятты, ташламастыр, диеп Һодай.

    Бабай йоклый, гырлый- гырлый. Вәт тамаша!

    Киртә аша Чупакабра якынлаша.

    Кәҗә сизде, ян көченә иңрәп сөзде,

    Чупакабралар эченә очып керде.

    Купты тавыш: гаугалы каз, тавык- чебеш,

    китте сугыш, оча йоннар, кырма кырыш.

    Тавыш-гауга: тәрәзәсен бабай ачты,

    Кәҗә куа, Чупакабра чыгып качты.

    Сынык мөгез. Кәлҗүн йонсыз. Бабай күрә.

    Кәҗәсенә яңа сарай төзеп бирә.

    Батыр кәҗә: тулы әрҗә печән, бодай.

    Менә малай, ташламаса шулай Һодай.

    Таһир ИСМАГИЛОВ, Ташлы-Елга авылы

    фото: https://yandex.ru

    «Кукмор Татарстан» Telegram-каналга язылыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: