Идарә тармагы хәбәренә караганда, юл-транспорт һәлакәте кичә, 8 ноябрьдә, 16:30 сәгатьтә Казан-Оренбург трассасының 123 нче чакрымында булган. "Ниссан Тиида" автомобиле йөртүчесе - 20 яшьлек хатын-кыз куркынычсыз тизлекне сакламый, каршы як хәрәкәт полосасына чыга һәм каршыга килүче "Ниссан Патфайндер" машинасы белән бәрелешә. Шуннан соң "Ниссан Тиида" каршыга килүче тагын бер автомобиль - "ВАЗ-2109" белән дә бәрелешә.
Һәлакәт аркасында ватан машинасының пассажиры - 55 яшьлек хатын-кыз урында ук вафат була. Алты кеше: "ВАЗ-2109" машинасының 50 яшьлек йөртүчесе һәм 35, 16 яшьлек ике пассажиры; "Ниссан Тиида"ның 62,41, 22 яшьлек пассажирлары хастаханәгә озатылган.
Нет комментариев