Югары Комар, Кызыл Тау, Важашур, Салтык-Ерыклы, Кенәбаш авылларына илтүче юлларга асфальт түшәләчәк (фото)

"Татавтодор" акционерлык җәмгыятенең Саба филиалы "Кукмара" юл төзелеш-ремонт участогы хезмәткәрләре хәзерге вакытта республиканың беренче Президенты Минтимер Шәймиев башлангычы белән 2009 елдан гамәлгә ашырылучы күпьеллык проект - барлык торак пунктларга да каты өслекле юл уздыру Федераль-максатчан программасы буенча зур күләмле эш алып бара. Быел Югары Комар, Кызыл Тау, Важашур, Салтык-Ерыклы, Кенәбаш авылларына илтүче юллар - барлыгы 12,5 чакрым арага асфальт түшәләчәк. Аның өчен дәүләттән 348 миллион 190 мең сум акча бүлеп бирелгән. Көзгә кадәр барлык участокларда да эш төгәлләнеп, объектлар файдалануга тапшырылачак, диләр "Кукмара" юл төзелеш-ремонт участогы хезмәткәрләре.