Терроризмга каршы көрәш комиссиясенең чираттагы утырышы үткәрелде

Районның территоризмга каршы көрәш комиссиясенең чираттагы утырышы үткәрелде. Анда республика көне һәм Белем көне уңаеннан үткәреләчәк чараларда җәмәгать куркынычсызлыгын тәэмин итү һәм терроризм актларны кисәтү буенча өстәмә чаралар күрү, 14 сентябрьдә булачак сайлауларда куркынычсызлык чаралары күрү, сәламәтлек саклау һәм спорт обьектларында террордан саклану торышы һәм өстәмә чаралар күрү мәсьәләләре каралды.
-Райондагы иминлекне, тотрыклылыкны саклау өчен башкарма һәм хокук саклау органнарының кулга-кул тотынып эшләве кирәк. Күңелсез, аяныч вакыйгалар килеп чыкмасын өчен, урындагы хәлне яхшы белеп, алдан ук кисәтү чаралары күрү мөһим. Күп кенә күңелсезлекләр битарафлыктан, хокук бозуларга вакытында чара күрмәдән килеп чыга, - дип белдерде район башлыгы Рауил Рәхмәтуллин һәм урындагы һәр җитәкче алдына төгәл бурычлар куйды.