Сабантуй бәйрәмен хәвеф-хәтәрләрсез уздырыйк

Көтеп алынган бәйрәм - Сабантуйлар вакытында район халкыннан юлларда аеруча сак һәм игътибарлы булуларын сорыйбыз. Транспортны тиешле урыннарга гына кую, тизлекне саклау, таләп ителгән кагыйдәләрне үтәү бурычы һәркемгә дә кагыла. Бәйрәм тәмамланганнан соң, машиналар белән кузгалып киткәнче, әйләнә-тирәгә күз йөртеп чыгарга кирәк. Кайбер "кәеф"ләнеп китүчеләрнең, күләгә дип, автомобиль тирәсенә елышып, йоклап киткән булуы да ихтимал. Исерткеч эчемлекләр кулланып рульгә утыру да катгый тыела.

Бәйрәмне күңелле, истә калырлык итеп, хәвеф-хәтәрләрсез уздырыйк.

Фирдүс ФӘХРЕТДИНОВ, ЮХИДИ начальнигы