Өркеш авылы мәчетендә Коръән ашы үткәрелде

Өркеш авылы мәчетендә Фәния абыстай Мәүлит аена багышлап Коръән ашы үткәрде. Мондый чараларга тирә-як авыллардан кунаклар чакыру матур гадәткә әйләнеп бара. Бу ашка да Кукмарадан Ришат Хәзрәт, Гөлсинур, Рузилә абыстайлар, "Ак калфак" оешмасы ханымнары да килгән иде. Үтемле вәгазьләр тыңланды, килгән кунаклар Фәния ханым туплаган бай, борынгы китаплардан торган китапханә белән таныштырлар, яңа мәчетне карадылар. Соңыннан табын янында янәдән вәгазьләр тыңладылар һәм тәмләп чәй эчтеләр.

"Ак калфак" оешмасы рәисе З.Җиһаншина