Паркка “Кояшлы” исеме туры килә

Поселок уртасында бик матур парк барлыкка килде. Кайчандыр Петр һәм Павел чиркәве урнашкан изге җирдә күңел ачу урыны ясалса, бер дә яхшы булмас иде. Ә хәзер исә, андагы эскәмияләргә утырып рәхәтләнеп ял итәргә, саф һава суларга була. Әлеге сквер зур түгәрәк формасында эшләнеп, кояшны хәтерләтә, ә аннан ян-якка киткән юллар, әйтерсең, кояшның нурлары. Минемчә, әлеге паркка "Кояшлы" исеме туры килә. Һәм аны көн дәвамында кояш төшеп яктыртып тора.

Артур ЗӘКИЕВ, Кукмара