Параличланган 42 яшьлек ир әнисе каршында тереләй янып үлгән

Казан шәһәренең Гастелло урамындагы бер фатирда параличланган 42 яшьлек ир үзенең карт анасы каршында тереләй янып үлгән, дип хәбәр итә Prokazan.ru сайты. Әлеге янгынга сүндерелмәгән тәмәке сәбәпче булган. Караватны мизгел эчендә ялкын чорнап алган. Бу вакытта карт ана күрше бүлмәдә булган, ул улын коткара алмаган, үзе дә чак кына тончыгып үлмәгән. Янгын сүндерүчеләрне исә күршеләре чакырткан, алар олы яшьтәге хатынны фатирдан алып чыкканнар. Хәзер бу хәлне хокук саклау органнары тикшерә.

фото: http://www.newsfiber.com/p/s/h?v=Eh%2BRSF1rdEEs%3D+VM7yk1zL9fw%3D