Миңгәрдә баш батыр – Рамил Корбанов

Кичә Саба районы Миңгәр авылында кичке Сабан туе гөрләде.

- Сабан туенда баш батыр булып якташыбыз Рамил Корбанов калды, - дип хәбәр итте Intertat.ru хәбәрчесенә Теләче көрәшчесе Тәфкил Шәйхетдинов. - Көрәшнең мавыктыргыч булуы хакында бил алышырга Ульян батыры Сергей Павликның кайтуы гына да күпне сөйли. Сергей Павликны Саба көрәшчесе, хәзер Питрәч өчен көрәшүче Фәрхәт Фәйзуллин (кичә Питрәчтә дә баш батыр калган) отты. Ә Фәрхәтне - Рамил.

Сүз уңаеннан: шушы көннәрдә Тәфкил Шәйхетдинов үзе дә Сергей Пвлик белән бил алышкан. Балык Бистәсе районы Мәшләк авылы Сабан туенда булган бу хәл. "Йөгертеп-йөгертеп карадым - отып булмады", - ди Теләче көрәшчесе.

чыганак: http://intertat.ru/tt/yanalyklar/item/45130-mi%D2%A3g%D3%99rd%D3%99-bash-batyir-%E2%80%93-ramil-korbanov.html