Кукмаралылар “Яшь профессионаллар” төбәкара ачык чемпионатында катнашты

Казан шәһәрендә "Яшь профессионаллар" төбәкара ачык чемпионаты булды. Бу чарада районыбызның Нырья авылыннан "Сактон", Яңа Каенсардан "Инвожо", Урта Комардан "Зангари" удмурт халык фольклор ансамбльләре, Поч. Кучуктан "Кнавел" мари халык фольклор ансамбле, Зур Сәрдектән "Чәчкә" татар халык бию төркеме, Югары Чура авылыннан "Карендәшләр" керәшен халык фольклор ансамбле, Югары Шөннән "Тюрагай" удмурт вокаль ансамбле, район Мәдәният йортының "Акварель" бию төркеме, "Калинка" рус халык вокаль ансамбле һәм аерым җырчылардан Алмаз Харисов, Эдуард Асапов, Алия Курочкиналар уңышлы чыгыш ясадылар, дип хәбәр итте район Мәдәният йорты методисты Фәрзия Салләмова.