Кукмарада юл хәрәкәте иминлеге атнасы бара

10 майга кадәр Татарстанда өченче глобаль юл хәрәкәте иминлеге атнасы узачак. Ул балалар катнашында килеп чыккан бәхетсезлек очракларын киметүгә, аларның иминлеген тәэмин итүгә багышлана. Атналык кысаларында Кукмара 4нче урта мәктәбенең 6 сыйныфында белем алучы яшь юл хәрәкәте инспекторлары ЮХИДИ хезмәткәре белән берлектә рейдка чыктылар һәм шоферларга, аларның пассажирларына, җәяүлеләргә календарьлар, кагыйдәләрне үтәүнең мөһимлеген ассызыклаган брошюралар тараттылар. Мәктәпләрдә, балалар бакчаларында да юл йөрү кагыйдәләренә багышланган чаралар, конкурс-бәйгеләр үтте.

фото: https://yandex.ru/clck/redir