Кукмарада сайлаучылар көннең икенче яртысында активлашкан (фото)

"Бердәм Россия" партиясеннән Дәүләт Думасына депутатлыкка кандидатлар ачыклау максатыннан үткәрелүче сайлауга Кукмарада халык теләп килә. Көннең икенче яртысында сайлаучыларыбыз аеруча активлашкан.

-Безнең сайлау участогында Кукмара беренче гимназиясе һәм Кукмара 4нче мәктәбе микрорайонында яшәүчеләр сайлый. Көндезге сәгать дүрткә булган мәгълүматлар буенча 80 процент сайлаучы участокка килеп үз тавышын бирде, - дип хәбәр итте поселокның 16.26 047нче снлы хисап участогы рәисе Халидә Хөсәенова.

Тагын бер кат исегезгә төшерәбез: Кукмара районындагы 14 сайлау участогы 20.00 сәгатькә кадәр ачык булачак.