Кукмарада игеннәрне урып-җыю эшләре дәвам итә

Авыл хуҗалыгы һәм азык-төлек идарәсеннән алынган мәгълүматларга караганда, 20 мең гектардан артык мәйданда бөртеклеләр суктырылган, һәр гектардан уртача 22 центнер уңыш җыелган. Көзге культуралар уңышы инде тулысынча җыеп алынды, борчак басуларының да соңгы гектарларында эш бара. 12 мең ярым тонна салам хәзерләнгән. Көзге культуралар чәчү эшләре дә башланды. 4400 гектарла арыш чәчелде. Быел терлек азыгы мул тупланды, салынган сенаж күләме 37 мең 100 тонна тәшкил итә. Моннан тыш, тагын кукуруз уңышын җыеп алырга кирәк.