Кече Чурада яшәүче Федора апага 95 яшь тулды (+фото)

Кече Чура авылында гомер кичерүче Тарасова Федора Романовнага 95 яшь тулды. Юбилярны район социаль яклау бүлеге начальнигы Светлана Җамалиева, авыл җирлеге башлыгы Андрей Афанасьевлар котлады. Федора апага Россия Президентының котлау открыткасы, район башлыгының Рәхмәт хаты һәм истәлек бүләге тапшырылды.

Федора Романовна 12 бала әнисе, бүгенге көндә алтысы исән-сау - Шәмәрдәндә, Балтачта, Казан, Оренбург, Чиләбедә яшиләр. Аның 12 оныгы, 12 оныкчыгы, 1 оныгының оныгы бар. Юбиляр улы Алексей, киленне Анна гаиләсендә бик бәхетле гомер кичерә.