Кәчимирдә яшәүче Марзыя һәм Харис Гарифуллиннарның тормыш коруларына – 50 ел (фото)

Кәчимир авылында гомер кичерүче Марзыя һәм Харис Гарифуллиннарның бергә тормыш коруларына 50 ел тулды. Харис абыйның бүген туган көне дә. Алтын туй ияләрен район ЗАГС бүлеге мөдире Зөлфия Латыпова, Манзарас авыл җирлеге башлыгы Рашидә Хәбибуллиналар котлады. Әлеге матур парга район башлыгы Сергей Димитриевның котлавы җиткерелде, истәлек бүләкләре тапшырылды.

Марзыя апа белән Харис абый өч ул тәрбияләп үстереп, аларны олы тормыш юлына чыгарган. Аларның 7 оныклары бар.

Без, "Хезмәт даны" газетасы редакциясе дә, алтын туй ияләрен бәйрәмнәре белән котлыйбыз, саулык-сәламәтлек, гаилә бәхете, балаларының, оныкларының игелекләрен күреп озын-озак яшәүләрен телибез.