Фото: Якташыбыз “Татар-кызы – 2017” бәйгесендә катнашты

Арча педагогия көллиятендә урта һөнәри белем бирү учреждениеләре студентлары арасында "Татар кызы - 2017" бәйгесе булып узды. Бәйгедә барлыгы 38 конкурсант катнашты. Конкурс берничә этаптан торды: үз халкыңның тормышын, яшәешен, мәдәниятен тирәнтен белергә, татар теленең кайбер законнарын, язу тарихын, бөек галимнәрне искә төшерергә кирәк иде. Анда безнең Кукмара аграр көллиятенең 701нче төркем студенты Лидия Михайлова уңышлы чыгыш ясап, 3нче призлы урынга лаек булды, диплом һәм 5000 сумлык сертификат белән бүләкләнде.

Эльзания ГАРИФУЛЛИНА