Кенәбаш авылы егете Фирзәр Галеев командирларының мактавына лаек булды

Кенәбаш авылында яшәүче Гөлсәрия һәм Илнур Галеевларга уллары Фирзәр хезмәт иткән хәрби частьтан Рәхмәт хаты килгән. "Улыгыз үзенең хәрби бурычын үрнәк итеп башкара. Намуслы, тәртипле булуы белән иптәшләренең һәм командованиенең ышанычын һәм ихтирамын казанды. Бәйрәм концертларында, солдат җыры конкурсларында катнаша, телевизион җыр бәйгесендә махсус диплом белән бүләкләнде. Улыгызга яхшы тәрбия биргәнегез өчен рәхмәт белдерәбез, сезгә нык сәламәтлек, гаилә бәхете, хезмәт уңышлары телибез",- диелгән хәрби часть командиры урынбасары, подполковник Белоус имзасы куелган хатта.